Futbollistja kosovare, Lumbardha Misini, ka kompletuar transferimin te kampioni gjerman, Bayer Leverkuseni.

Klubi zviceran Servette FCCF ka njoftuar se ka arritur marrëveshje me Bayer Leverkusenin për transferimin e Misinit, duke i dhënë fund aventurës së saj njëvjeçare në Gjenevë.

Misini iu bashkua Servettes verën e kaluar nga Trabzonspori dhe gjatë sezonit zhvilloi 25 ndeshje me fanellën e klubit zviceran. Ajo ishte pjesë e rëndësishme e ekipit që fitoi dy trofetë kryesorë në Zvicër, kampionatin dhe Kupën.

Në mesazhin lamtumirës, Servette e falënderoi futbollisten kosovare për kontributin e saj dhe i uroi suksese në sfidën e re me Bayer Leverkusenin.