Macron bën thirrje për qetësi në kohën e krizës së Iranit

Presidenti francez, Emmanuel Macron ka thënë se marrëveshja bërthamore e Iranit duhet të ruhet dhe ka bërë thirrje për qetësi pasi Teherani ka deklaruar se do të heqë dorë pjesërisht nga zbatimi i marrëveshjes.

Më 8 maj, Irani ka njoftuar se nuk do të zbatojë në tërësi këtë marrëveshje, derisa të gjendet një mënyrë për të anashkaluar sanksionet amerikane, të cilat Uashingtoni i ka vënë pasi Shtetet e Bashkuara janë tërhequr një vit më parë nga kjo marrëveshje.

Macron u ka bërë thirrje vendeve nënshkruese që të mos përfshihen në ndonjë përshkallëzim. Deklarata e tij ka ardhur pak kohë pasi Bashkimi Evropian dhe fuqitë tjera evropiane kanë nisur një deklaratë të përbashkët, duke i bërë thirrje Iranit që të respektojë marrëveshjen që ka me fuqitë botërore.