Maltë: Vritet blogerja që zbuloi skandalet në “Panama Papers”
Një blogere malteze që ka tërhequr vëmendjen e mediave dhe publikut të gjerë, është vrarë sot në një atentat me bombë në makinë, konfirmoi kryeministri i Maltës, Joseph Muscat.
Daphne Caruana Galizia, blogerja dhe gazetarja malteze, u vra sot pas shpërthimit të një bombe në makinën e saj rreth orës 03:00 të natës (13:00 GMT).
Gjatë një deklarate për shtyp, Muscat dënoi sulmin barbar duke shtuar se ai do të vinte në dizpozicion autoritetet përkatëse për kapjen e autorëve të krimit.
Kryeministri i Maltës, Joseph Muscat, bëri thirrje për unitet kombëtar, dukethënë se çdokush ka të drejtë të shkruajë dhe të thotë atë që mendon, në këtë vend.
Caruana Galizia shkaktoi një tronditje në mbarë vendin kur ajo botoi një artikull në të cilin thuhej se një kompani e përmendur në “Panama Papers” e organizuar nga organizata ndërkombëtare jofitimprurëse që boton informacione sekrete, të siguruara nga burime anonime, “WikiLeaks” i përkiste gruas së Muscat , një pretendim që kryeministri e quajti një gënjeshtër.
Qeveria e Maltës ishte përfshirë thellë në skandalin e “Panama Papers”, përpara botimit të artikullit të Caruana Galizia, dokumente që zbulonin se ministri i Energjisë, Konrad Mizzi dhe shefi i Kabinetit të Muscat, Keith Schembri, kishin krijuar kompanitë e tyre sekrete në “Panama Papers”.
Caruana Galizia u përshkrua nga media amerikane “Politico” si “ gruaja WikiLeaks “, në fushatën kundër mungesës së transparencës dhe korrupsionit në Maltë, duke u përfshirë në listën e 28 personave që patën një impakt, tronditën dhe tërhoqën vëmendjen e Evropës në vitin 2017.
