Manifestime masive kundër taksës mbi internetitn

Me mijëra persona, sipas medias lokale, parakaluan sërish dje në mbrëmje në Budapest kundër një projekti për të vendosur taksë mbi internetin i gjykuar si liri vrasës.

“Nuk do ta lejojmë këtë”, këndonin një grup i përbërë nga të gjitha moshat, të mbledhur për herë të dytë në tre ditë në rrugët e kryeqytetit hungarez pavarësisht temperaturave dimërore.

Qeveria konservatore e Viktor Orban kërkon të vendosë taksë mbi shkarkimet nga interneti që do të jetë rreth 150 forins (0,50 euro) për një gigabyte. Pora para se të fillonin protestat, bisedimet mbi këtë taks ishin që ajo të ishte rreth 2 euro në muaj.

Komisioni Evropian e kritikoi fuqishëm këtë projekt, ku opozitarët hungarezë mendojnë se kjo synon të ngushtojë liritë.

“Sektori i medias i tronditur nga reforma shumë të përfolura që prej ardhjes në pushtet të Orbanit në vitin 2010, dhe interneti është ajo pjesë e medias më pak e kontrolluar nga qeveria”,  sipas Balazs Gulyas, një nga organizatorët e manifestimit, i cili thekson se ky projekt prek lirinë e informimit.

Në fund të manifestimit, një grup prej 2 000 personash u mblodh para parlamentit, duke bërtitutr “Evropë!” dhe duke u përpjekur të ngrenë flamurin e BE-së në këtë godinë, ku ky simbol nuk ngrihet më në krahë të flamurit hungarez pas një vendimi të qeverisë Orban. Ata duartrokinën kur një person hapi një nga dritaret e parlamentit dhe griti flamurin e BE-së. Më pas grupi u shpërnda.

Manifestime të ndryshme u zhvilluan dje në disa qytete të tjera hungareze. Organizatorët kanë lënë që të mblidhen sërish më 17 nëntor, dita kur Parlamenti do të votojë për këtë projekt.