Manu Kone shkëlqen në Botëror, Roma fërkon duart. Oferta e parë është 58 milionë euro

Manu Kone ishte një nga më të mirët në fushë në fitoren e Francës 2-0 ndaj Marokut, mbrëmë. Kone zëvendësoi në mënyrën më të mirë të mundshme Aurelien Tchouameni, i cili nuk ishte në dispozicon për Didier Deschamps për shkak të problemeve fizike, edhe pse gjendej në stol.

Forma e mirë e treguar nga Kone këtë Botëror, për aq minuta sa ka luajtur, ka rritur ndjeshëm interesimin e klubeve të mëdha ndaj tij.

Mediet angleze bëjnë me dije se Michael Carrick ka kërkuar nga drejtuesit e Manchester United, transferimin e Kone. Sipas burimeve që vijnë nga Anglia, oferta e parë e “Djajve të Kuq” në drejtim të Romës do të jetë 58 milionë euro. Kone është nën kontratë me verdhekuqtë deri në vitin 2029.