Marrëveshje armëpushimi për aeroportin e Donetskut

Një marrëveshje armëpushimi u arrit për t’i dhënë fund luftimeve në aeroportin e Donetskut, një prej pikave më të nxehta të konfliktit në lindje të Ukrainës, skenë e luftimeve që prej disa muajsh, theksoi drejtuesi separatist, Andrei Purguine.

“Sot, një marrëveshje u arrit për t’i dhënë fund luftimeve duke nisur nga ora 18:00, me orën e Moskës (15:00 GMT), në aeroportin e Donetskut”, njoftuan gazetarët.

Më shumë se 3,500 persona kanë humbur jetën që prej muajit prill në konfliktin e Ukrainës Lindore dhe sipas analistëve ka shumë gjasa që luftimet mes Moskës dhe Kievit të vazhdojnë të përshkallëzohen.