Mbrëmë janë regjistruar 42 zjarre në hapësira të hapura në Maqedoni, pesë janë aktive

Në 24 orët e fundit, në vend janë regjistruar 42 zjarre, nga të cilat pesë janë aktive, pesë janë nën kontroll dhe 32 janë shuar, njoftoi Qendra për Menaxhim me Kriza (QMK).

Sipas të dhënave deri në orën 7:30, zjarre aktive ka pranë fshatrave Graçani dhe Nikishtan në Komunën e Gjorçe Petrovit, ndërsa zjarri është aktiv edhe në territorin e Kosovës, pastaj në zonën Ramno pranë fshatit Brest në Komunën e Çuçer-Sandevës, në shtrirjen midis fshatrave Burinec, Lokovë dhe Selcë në rrethinën e Strugës, pranë fshatit Belicë në Komunën e Makedonski Brod dhe pranë fshatit Miletinë në Komunën e Brvenicës.

Nën kontroll janë zjarret pranë fshatrave Knezhino dhe Dobrenoec, si dhe fshatit Tajmishte në Komunën e Kërçovës, zjarri pranë fshatit Kopanicë në Komunën e Sarajit, zjarri në deponinë e qytetit në Dellçevë dhe zjarri midis fshatrave Rugjincë dhe Orah në Komunën e Nagoriçanës së Vjetër.

Gjatë mbrëmjes janë shuan 32 zjarre në lokacione të ndryshime të vendit./Telegrafi/