Më shumë se gjysma e austriakëve kundër lëshimeve të BE-së ndaj borxhit grek

Më shumë se gjysma e austriakëve, thënë ndryshe 58 për qind e tyre, kundërshtojnë lëshimet që Bashkimi Evropian i ka bërë Greqisë lidhur me borxhin e saj.

Sipas një sondazhi të kryer nga Shoqata Austriake për Politikat Evropiane (OeGfE), vetëm 28 për qind e të pyeturve ishin dakord për lëshimet e bëra nga BE-ja.

Sondazhi zbuloi gjithashtu se qytetarët austriakë ishin konfuzë përsa i përket qëndrimit të Greqisë në eurozonë.

Të paktën 40 për qind ishin pro dhe 42 kundër.

Ky sondazh u krye me 535 persona mes 16 dhe 25 shkurtit.