Meliza Haradinaj: Zgjedhjet ishin pjesë e një qëllimi politik — Kurti donte t’ia pamundësonte Osmanit edhe një mandat presidente

Meliza Haradinaj-Stublla është shprehur se vonesat e krijuara gjatë muajve të fundit dhe shkuarja e vendit në zgjedhje kanë qenë, sipas saj, pjesë e një qëllimi politik të kryeministrit Albin Kurti, siç njofton Klan Kosova.

Haradinaj ka deklaruar se beson se Kurti ka synuar që t’ia pamundësojë presidentes Vjosa Osmani vazhdimin e mandatit të saj në krye të shtetit. “Unë mendoj se të gjitha vonesat që janë bërë muajve të fundit dhe shkuarja në zgjedhje është rezultat i qëllimit politik të z.Kurti që t’ia pamunësojë znj.Osmani të qëndrojë edhe një mandat presidente”, u shpreh ajo për Klan Kosova.

Mandati i Vjosa Osmanit si presidente përfundoi më 4 prill, ndërsa detyrën e ushtrueses së presidentes e mori kryetarja e Kuvendit, Albulena Haxhiu, për një periudhë gjashtëmujore. Në minutat e para të 7 tetorit, pas marrëveshjes mes VV-së dhe PDK-së, Kuvendi zgjodhi presidente Justina Shiroka-Pulën me 81 vota, duke shmangur zgjedhjet e parakohshme.

Deklarata e Meliza Haradinajt vjen në ditën kur presidentja e re mori zyrtarisht detyrën, ndërsa debati politik për procesin e zgjedhjes së kreut të shtetit vijon të jetë në qendër të vëmendjes.