Michelle Obama ka falënderuar këngëtaren me origjinë shqiptare Bebe Rexha për mbështetjen e saj në fushatën për regjistrim në kolegje. Pasi nuk ishte Zonja e Parë e Shteteve të Bashkuara të Amerikës, Michelle Obama ka krijuar shoqatën ‘Reach Higher’, shoqatë kjo që mundëson dhe inkurajon të rinjtë të vazhdojnë edukimin dhe shkollimin sa më të lartë.
Me këtë rast Michelle personalisht i ka shkruar një letër felënderuese këngëtares me prejardhje shqiptare, ndërsa Bebe e ka ndarë me fansat në profilet e saj në rrjetet sociale.
Michelle Obama e ka përshkruar shumë mirë në librin e saj për jetën e saj, i cili po thyen rekorde të lexueshmërisë, ‘Becoming’, se sa i rëndësishëm është për të shkollimi dhe ofrimi i mundësisë që edhe të rinjtë amerikanë të ndjekin nivelet sa më të larta akademike
