Miqësoret e qershorit, Itali e panjohur

Një Itali e re me një trajner provizor. Bëhet fjalë për dy ndeshjet miqësore që të kaltrit, nën drejtimin e trajnerit të kombëtares së moshës deri në 21 vjeç, Silvio Baldini, do të luajnë ndaj Luksemburgut dhe Greqisë. Pikërisht më 3 dhe 7 qershor dhe të dyja në transfertë. Pas dështimit për herë të tretë në kualifikimin në Botëror, Italia tashmë është duke menduar për të ardhmen dhe të vetmit titullarë nga kombëtarja e Gatuzos, Baldini ka marrë për këto miqësore Donarumën dhe Pio Espoziton.

Të gjithë të tjerët janë për herë të para që nga portierët Dafara dhe Palmizani, tek mbrojtësit Ahanor, Bartesagi, Kiarodia, Komuzo, Favasuli, Mane, Rexhiani, Palestra, apo mesfushorët Dagaso, Fatikanti, Lipani, Ndur, Pisili, Venturino. Më tej akoma, sulmuesit Kamarda, Kerubini, Ekator, Fini, Inacio dhe Koleosho.

Në fakt, për këtë lloj përzgjedhje ka patur kundërshtime nga Greqia për miqësoren e dytë, sepse helenët kanë patur pretendime për të luajtur me kombëtaren e madhe të Italisë dhe jo përfaqësuesen U-21. Megjithatë, tashmë është fakt, një Itali thuajse e panjohur përballë Luksemburgut dhe Greqisë në miqësoret e qershorit.