Misionet diplomatike të Kosovës hapin librin e ngushëllimeve për Bajram Rexhepin
Pas ndarjes nga jeta të ish-kryeministrit të Kosovës, Bajram Rexhepi, të gjitha misionet diplomatike të Kosovës në botë, janë udhëzuar që të hapin librin e ngushëllimeve në shtetet ku ata janë të akredituar.
Siç bën të ditur Ministria e Punëve të Jashtme të Kosovës, libri i ngushëllimeve do të jetë i hapur për tre ditë radhazi sipas orareve të caktuara paraprakisht nga vetë misionet diplomatike në shtetet respektive.
Veç kësaj, në mbështetje të vendimit të Presidentit Hashim Thaçi, të gjitha misionet diplomatike janë udhëzuar që flamujt shtetërorë të ulen në gjysmështizë në vendet ku ata shërbejnë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.