Moldavia do të ndërtojë strehime kundër dronëve pranë kufirit me Ukrainën, pas përshkallëzimit të sulmeve ruse

Moldavia planifikon të ndërtojë strehime mbrojtëse në pikat kufitare me Ukrainën, ku rojet kufitare dhe banorët e zonës do të mund të strehohen gjatë sulmeve me dronë. Njoftimi u bë më 7 tetor nga ministrja e Brendshme e Moldavisë, Daniella Misail-Nichitin, në një intervistë për NewsMaker-in, siç njofton The Kyiv Independent.

Rojet kufitare moldave të stacioneve “Kryva” dhe “Palanca”, që aktualisht qëndrojnë në anën ukrainase të kufirit, do të transferohen në anën moldave të kufirit, ka shtuar ministrja.

Lajmi vjen në një kohë kur dronët rusë po shkelin gjithnjë e më shpesh hapësirën ajrore moldave gjatë sulmeve ndaj Ukrainës. Më 5 tetor, një predhë e paidentifikuar ra pranë pikës kufitare Palanca–Maiaky–Udobnoe, u rikthye dhe goditi një autobus të parkuar dhe kabinën e kontrollit kufitar, duke plagosur lehtë një punonjës të Policisë Kufitare të Moldavisë. Më 3 tetor, pesë armë ruse shpërthyen në territorin moldav, sipas presidentes Maia Sandu, ndërsa më 30 shtator u regjistruan tre shkelje të hapësirës ajrore.

Kryeministri moldav Vasile Tofan deklaroi më 5 tetor: “Mjedisi i sigurisë rreth Moldavisë është bërë më i vështirë”. Ndërkohë, zëdhënësi i Ministrisë së Jashtme të Ukrainës, Heorhiiy Tykhyi, tha se Kievi është në bisedime me vendet fqinje për ristrukturimin e operacioneve kufitare.