Moti i keq në Lezhë, përmbyten disa rrugë në qytet, situata normalizohet shpejt
Reshjet e rrëmbyeshme zgjatën vetëm pak minuta, por shkaktuan grumbullim uji në disa rrugë të qytetit.
Lezha u përfshi këtë mbrëmje nga reshje të rrëmbyeshme shiu, siç njofton Shqiptarja.com, të cilat, edhe pse zgjatën vetëm pak minuta, shkaktuan grumbullim uji në disa akse rrugore të qytetit.
Probleme u evidentuan pranë Drejtorisë së Tatimeve, në pellgun pranë çerdhes së qytetit dhe në rrugën e Shëngjinit. Ndryshe nga situatat e mëparshme, blloku “11 Janari” dhe bulevardi “Gjergj Fishta” nuk patën probleme me përmbytjet.
Pas ndërprerjes së reshjeve intensive, uji u tërhoq brenda pak minutash përmes rrjetit të kanalizimeve të ujërave të bardha, ku së fundmi janë kryer ndërhyrje përmes projektit të kanalizimeve të ujërave të bardha dhe të zeza.
Situata u normalizua shpejt, ndërsa qarkullimi i automjeteve dhe lëvizja e qytetarëve vijuan pa pengesa të tjera.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.