Muhamet Mustafa: Nëse LAN-i s’e nominon kryetari e Kuvendit, vendi futet në krizë

Nëse Kushtetuesja ka vendosur t’ia japë mundësinë PDK-së, si parti e parë, të tentojë zgjedhjen e kryeparlamentarit, në rast të dështimit kjo e drejtë duhet t’i jipet Bllokut. Ndryshe, vendi futet në krizë, parashikon Muhamet Mustafa.

“Mund të provohet forca e listës fituese të PDK-së të arrijë shumicën në Kuvend, siç del nga ajo që dimë për vendimin e Gjykatës Kushtetuese. Por, nëse i mbyllet mundësia koalicionit tjetër në Kuvend të demonstrojë shumicën për të zgjedhur organet e Kuvendit dhe qeverinë, kjo jo vetëm do të lëndonte parimet fundamentale të demokracisë, por edhe do të prodhonte një krizë serioze”, ka shkruar Mustafa, në një postim në Facebook.

Sipas tij, kjo krizë është manifestim i mosrespektimit të shtetit ligjor dhe instalimit të elementeve të kapjes së shtetit.

Në zgjedhje, sipas tij, për partitë opozitare, respektivisht koalicionin LDK-AAK-Nisma dhe VV kanë votuar gjithsej 391,465 votues ose afro 54 për qind e elektoratit, ndërkaq për dy partitë qeveritare PDK dhe PD si dhe aleatët e saj të vegjël, që garuan me një listë, kanë votuar 222,181 votues ose 30,38 për qind. Vetëm Koalicioni LDK-AAK-Nisma pa VV-në kishte fituar 293,067 deputetë ose rreth 40 për qind të elektoratit që ka dalë në zgjedhje.

Këto shifra, sipas Mustafës, mjaftojnë për të treguar se ku është shumica dhe kush do të duhej t’i formonte institucionet.