Nagelsmann: Gjermania duhet të fitojë Kupën e Botës për t’u mbyllur gojën skeptikëve

Trajneri i Gjermanisë, Julian Nagelsmann, tha sot se vetëm fitimi i Kupës së Botës mund t’i heshtë skeptikët e skuadrës së tij, ndërsa përgatiten për një përballje të vështirë sot në fazën eliminatore kundër Paraguait.

Humbja ndaj Ekuadorit në ndeshjen e tyre të fundit në grup ka ngritur dyshime të mëtejshme rreth shanseve të Gjermanisë për të përparuar larg në turne. “Kur flet për ekipin kombëtar gjerman, gjithçka ka të bëjë me përpjekjen për të fituar çdo ndeshje. Gjithçka ka të bëjë me fitimin e ndeshjes “, tha Naglesmann.

“Të përballesh me pritshmëritë do të thotë thjesht të kesh vetëbesim të mirë, të kesh një plan të mirë në mënyrë që lojtarët të ndihen rehat në fushë. Të kenë aftësinë për të bërë gjërat e duhura në fushë, të tregojnë se çfarë lojtarësh të mirë janë dhe thjesht të fitojnë ndeshjen”, shtoi Nagelsmann.

Më tej, ai komentoi: “Në futboll gjithçka ka të bëjë me fitoren. Nëse fiton, gjithçka është perfekte. Nëse humb, gjithçka është e keqe. Kështu që duhet të fitojmë sot. Sot na duhet një performancë perfekte. Kur pashë seancën stërvitore, mund t’ju them se jam shumë i lumtur dhe djemtë, ata do të japin lojën e tyre më të mirë”.