Në pak javë janë arrestuar 46 persona me rrezikshmëri të lartë

13 qershor 2026 – Drejtori i komanduar i Policisë Tiranë, Oliger Torba dhe Ermal Haxhi, drejtori për Kufirin dhe Migracionin, kanë dalë në konferencë për mediet, për bilancin e punës në muajin maj dhe dy javët e para të qershorit.

Në pak javë janë evidentuar 1436 raste të ndryshme të veprave penale, ndërsa janë zbuluar 92.6% e tyre.

Janë realizuar 58 operacione në fushën e narkotikëve, armëmbajtjes pa leje, goditjes së lojërave të fatit apo prostitucionit. U veçuan 4 fazat e operacionit “Zonat”, ku janë shpërbërë rrjetet e shpërndarjes së lëndës narkotike, sidomos pranë shkollave.

Në pranga kanë përfunduar 46 persona me rrezikshmëri të lartë shoqërore, kryesisht me tendencë në fushën e narkotikëve dhe krimeve kundër personit.

Lajmi është në përditësim…

/tvklan.al