“New York Times, i dështuar”, reagon Trump pas akuzave për evazion
Manjatit i pëlqen ta përshkruajë veten si njeri që e ka krijuar vetë suksesin financiar, duke thënë se e filloi gjithçka me një kredi relativisht modeste prej 1 milion dollarësh nga i ati dhe pastaj e ngriti pasurinë me anë të investimeve dhe marrëveshjeve fitimprurëse.
Artikulli mjaft i detajuar ndërkohë tregonte se përfitoi rreth 413 milionë dollarë nga babai i tij, Fred Trump, i cili filloi t’u kalonte para fëmijëve që kur ishin të vegjël. Ata edhe sot madje vazhdojnë të marrin të ardhura nga pasuritë e paluajtshme të të atit.
Gazeta thotë se Trump krijoi një skemë për të ulur vlerën në letër të pronave të patundshme që zotëronte, në mënyrë që të bënte zbritje të ndjeshme në faturën tatimore. Shtëpia e Bardhë reagoi lidhur me akuzat duke thënë se besueshmëria e “New York Times” dhe e mediave të tjera për popullin amerikan është më e ulëta e të gjitha kohërave, sepse ato e kanë fiksim sulmin ndaj presidentit dhe familjes së tij ne vend që të raportojnë lajme.
Gazeta thotë VOA, e bazon shkrimin e saj në intervista me ish-punonjësit e zotit Fred Trump dhe në më shumë se 100,000 faqe dokumente, përfshirë taksat personale të zotit Trump.
