Nigeri, 600 të rrëmbyer gjatë sulmit në xhami (VIDEO)

Një grup i armatosur ka publikuar një video që tregon rreth 600 gra, fëmijë dhe të moshuar, të cilët, sipas banorëve vendas, u rrëmbyen gjatë një sulmi ndaj një xhamie në shtetin e Nigerit në zonën gjeopolitike Veri-Qendrore të Nigerisë.

Videoja u postua të dielën (23/08) në Facebook dhe WhatsApp dhe tregon shumë njerëz të ulur në një zonë të pyllëzuar të rrethuar nga burra të armatosur . Në sfond, dëgjohen shumë fëmijë duke qarë.

Reuters nuk ishte në gjendje të verifikonte në mënyrë të pavarur vërtetësinë e videos.

Policia dhe autoritetet shtetërore nuk iu përgjigjën kërkesave për koment.

Rrëmbimet masive për shpërblim janë të zakonshme në pjesë të Nigerisë veriperëndimore dhe veri-qendrore, ku bandat e armatosura rëndë kryejnë shpesh bastisje në fshatra dhe shkolla, si dhe në autostrada.

Videoja u shfaq dy ditë pasi persona të armatosur sulmuan besimtarët në një xhami në fshatin Dekara gjatë lutjeve të së premtes (21/08) dhe rrëmbyen banorët në bastisje të njëkohshme në disa komunitete.

Më parë, policia kishte konfirmuar një sulm që kishte në shënjestër besimtarët në zonë, por nuk ishte në gjendje të sqaronte numrin e saktë të të rrëmbyerve.

Në video, një person i armatosur që flet në gjuhën afrikane Hausa u drejtohet familjeve të të rrëmbyerve dhe u bën thirrje atyre të identifikojnë të afërmit e tyre midis të rrëmbyerve që shfaqen në video.

“Këta janë të gjithë njerëzit tuaj. Po ju tregojmë këtë video në mënyrë që të identifikoni të afërmit tuaj, babanë tuaj, nënën tuaj, fëmijët tuaj”, thotë personi i armatosur.

Inna lillahi wa inna ilaihi rajiun 😭😭😭Almost 500 Nigerians kidnapped in Niger state and the kidnapers bragging bragging about it Where is Mr president?Where is the governor?Where were the security operatives?Not 50 or 5, 500Can you hear the cries of those children?😭…