Nis punimet Samiti i G 20-s në Hangzhou

Pasditen e së dielës në Qendrën Ndërkombëtare të Ekspozitave në Hangzhou nisi punimet Samiti i Liderëve të G 20-s, në drejtimin e presidentit të Kinës Xi Jinping, i cili mbajti fjalën e rastit.

Gjatë dy ditëve të Samitit liderët e vendeve anëtare të G20-s dhe drejtuesit e organizatave ndërkombëtare do të diskutojnë tema të rëndësishme si forcimi i politikave ekonomike, krijimi i mënyrave të reja të zhvillimit, administrimi financiar dhe ekonomik global me efektivitet, tregtia ndërkombëtare dhe investimet, të cilat ndikojnë në zhvillimin e ekonomisë botërore.