Nis seanca plenare në Kuvend, 6 interpelanca me ministrat të kërkuara nga deputetët e opozitës

Kuvendi i Shqipërisë është mbledhur këtë të enjte në seancë plenare duke filluar prej orës 10:00, me një rend dite të ngarkuar që përfshin interpelanca me

Kuvendi i Shqipërisë është mbledhur këtë të enjte në seancë plenare duke filluar prej orës 10:00, me një rend dite të ngarkuar që përfshin interpelanca me ministrat të kërkuara nga deputetët e opozitës, si dhe shqyrtimin e disa projektligjeve.

Gjatë ditës janë parashikuar gjashtë interpelanca me anëtarë të qeverisë.

Interpelanca urgjente do të zhvillohen me Ministrin e Mbrojtjes, Ermal Nufi, dhe me Ministren e Arsimit, Mirela Kumbaro.

Tre interpelanca të tjera janë planifikuar me Ministren e Shëndetësisë dhe Mirëqenies Sociale, Evis Sala, të kërkuara nga deputetët Kliti Hoti, Bardh Spahia dhe Erisa Xhixho.

Gjithashtu, interpelancë do të ketë edhe me Ministrin e Bujqësisë dhe Zhvillimit Rural, Andis Salla, me kërkesë të deputetit Zija Ismaili.

Në vijim, Ministri i Financave, Petrit Malaj, do t’i përgjigjet pyetjeve të deputetes Jorida Tabaku në një seancë pyetje–përgjigje.

Pas interpelancave, Kuvendi do të shqyrtojë një sërë projektligjesh, mes të cilave për lirinë e vendosjes dhe ofrimit të shërbimeve në Shqipëri, krijimin e Agjencisë Kombëtare të Shërbimeve Arsimore, ndryshime në ligjin për etiketimin e produkteve me ndikim në energji, ratifikimin e një konvente shumëpalëshe për lehtësimin e zbatimit të rregullit tatimor, ndryshime në ligjin për taksat kombëtare, si dhe ndryshime në ligjin për Gardën e Republikës.

Seanca mbyllet me diskutime për çështje jashtë rendit të ditës.