Një peshkarexhë me 700 emigrantë mbytet në Kanalin e Siçilias

Një peshkarexhë me 700 emigrantë në bord u mbyt përgjatë natës së kaluar në Kanalin e Siçilias, rreth 60 milje në veri të Libisë.

Në ndërkohë, një anije tregtare e gjendur pranë zonës, ka arritur të shpëtojë vetëm 28 persona.

Mendohet se të tjerët janë mbytur.

Sipas informacioneve të para, peshkarexha ka kërkuar ndihmë nga Roja Bregdetare italiane për vështirësi në lundrim.

Nga salla operative e Komandës së Përgjithshme të Kapitenerisë njoftojnë se në zonë u dërgua nga anije portugeze që arriti të shpëtojë vetëm 28 persona.

Ajo shtoi se në zonë janë dërguar më vonë edhe shumë anije të tjera që janë angazhuar në gjetjen e të mbijetuarve./

Shiko nje fotoreportazh duke klikuar fotot me poshte: