Rusia pretendon se goditi një anije mallrash drejt Chornomorskut dhe qendra logjistike në Kharkiv

Ministria ruse e Mbrojtjes tha të dielën se dronët e saj goditën gjatë natës një anije mallrash që po shkonte drejt portit të Detit të Zi Chornomorsk, siç njofton Reuters.

Sipas ministrisë, anija përdorej për furnizimin e ushtrisë ukrainase.

Forcat ruse, sipas të njëjtit njoftim, goditën edhe një qendër logjistike, një qendër shpërndarjeje dhe një terminal logjistik në qytetin e Kharkivit — objekte që, sipas Moskës, përdoreshin për ruajtjen dhe shpërndarjen e ngarkesave me përdorim të dyfishtë për ushtrinë ukrainase.

Reuters thekson se nuk mundi ta verifikonte në mënyrë të pavarur informacionin e Ministrisë ruse të Mbrojtjes, ndërsa pala ukrainase nuk ka komentuar ende për pretendimin.