NJU JORK – Sanchez bën thirrje për reformim të Këshillit të Sigurimit, dënon veprimete Izraelit në Gaza

NJU JORL, 24 shtator /ATSH-AA/ – Kryeministri spanjoll, Pedro Sanchez, bëri thirrje të mërkurën për reformimin e Këshillit të Sigurimit të OKB-së për të siguruar përfaqësim të drejtë për të gjitha rajonet dhe heqjen e të drejtës së vetos të mbajtur nga anëtarët e përhershëm të tij.

“Ne duhet të reformojmë Këshillin e Sigurimit në mënyrë që të gjitha rajonet në botë të kenë përfaqësim të drejtë dhe në mënyrë që të mund të heqim të drejtën e vetos së anëtarëve të përhershëm,” tha Sanchez, duke iu drejtuar Asamblesë së Përgjithshme të OKB-së.

Sepse siç përcakton Karta e OKB-së, “asnjë vend nuk duhet të jetë gjykatës në rastin e vet, pavarësisht se sa i fuqishëm është ai,” shtoi ai.

Sanchez paralajmëroi se parimet që mbështesin sistemin ndërkombëtar po sfidohen gjithnjë e më shumë.

Paqja, qëndrueshmëria dhe mundësitë e barabarta po “sulmohen” nga aktorët politikë dhe qeveritë që kërkojnë ta kthejnë botën në një “të kaluar të errët”, tha ai.

“Nuk kam nevojë t’i vë në dukje. Të gjithë e dimë se kush janë dhe cili është mënyra e tyre e veprimit”.

Sanchez gjithashtu përshkroi veprimet e Spanjës në përgjigje të konflikteve, duke thënë se Madridi ka bërë “çdo gjë të mundshme” për të kundërshtuar veprimet që bien ndesh me Kartën e OKB-së.

Kryeministri spanjoll përmendi sanksionet kundër Rusisë si dhe një embargo armësh ndaj qeverisë izraelite.

Ai gjithashtu përsëriti dënimin “e paqartë” të Spanjës për “gjenocidin që (kryeministri izraelit Benjamin) Netanyahu ende po kryen në Gaza”.