Notat e Kombëtares pas Bjellorusisë, Manaj dhe Hysaj më të vlerësuarit
Sofascore vlerësoi Kombëtaren me notën 7.93 pas fitores 2-0 ndaj Bjellorusisë, me Rey Manajn më të mirin në fushë me notën 8.6 dhe Elseid Hysajn pas tij me 7.9.
Shqipëria triumfoi 2-0 ndaj Bjellorusisë në ndeshjen e luajtur të dielën në Budapest, raporton Top Channel.
Ky sukses i dha skuadrës kuqezi vendin e parë në grup, që do të thotë ngjitje në Ligën B për edicionin e ardhshëm të Nations League, ndërsa kuqezinjtë sigurojnë edhe vazon e tretë të kualifikueseve për Euro 2028.
Sipas vlerësimeve të portalit të statistikave Sofascore, të cituara nga Top Channel, nota e përgjithshme e skuadrës ishte 7.93, ndërsa lojtari më i vlerësuar ishte Rey Manaj me 8.6. Sulmuesi shënoi golin e parë ndaj Bjellorusisë dhe arriti në 15 gola me Kombëtaren, duke u bërë golashënuesi i dytë më i mirë në historinë e kuqezinjve. Menjëherë pas tij u rendit Elseid Hysaj me notën 7.9, autor i golit të dytë.
Me notë mbi 7 u vlerësuan edhe Berisha, Gjimshiti, Mitaj, Pilo, Shehu dhe Arbër Hoxha, ndërsa nën 7, por me vlerësim të mirë, u renditën Asllani, Laçi e Ismajli, si dhe zëvendësuesit e aktivizuar Hasa, Uzuni dhe Daku.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.