Nuk u lejua të gjykojë në Botëror, FIFA do t’i paguajë kompensim të plotë arbitrit somalez

BBC raporton se gjyqtari somalez Omar Artan, të cilit iu mohua hyrja në Shtetet e Bashkuara për të gjykuar Kupën e Botës, do të marrë kompensimin e plotë nga FIFA për turneun.

Të hënën, Artan u mor në pyetje për 11 orë nga autoritetet amerikane të imigracionit në Aeroportin Ndërkombëtar të Miamit përpara se të informohej se nuk do t’i lejohej të hynte në vend sepse pasaporta e tij diplomatike dhe viza amerikane ishin refuzuar.

Një zyrtar i qeverisë amerikane shpjegoi më vonë se Artanit i ishte mohuar hyrja për shkak të “shoqërimit” të tij të dyshuar me anëtarë të dyshuar të organizatave terroriste.

“I kisha të gjitha dokumentet në rregull. Kisha vizën e duhur”, deklaroi më vonë arbitri somalez. “Unë jam thjesht një arbitër që përpiqem të realizoj ëndrrën time, ëndrrën më të madhe të jetës sime: të marr pjesë në Kupën e Botës”.

Pasi u rikthye me aeroplan për në Turqi, Artani mori ndihmë nga zyrtarët e FIFA-s në Stamboll përpara se të hipte në një fluturim për në Mogadishu, kryeqytetin e Somalisë, ku u prit si një hero. Ëndrra e tij për të arbitruar një ndeshje të Kupës së Botës është shtyrë, të paktën, por të paktën portofoli i tij nuk do të vuajë pasojat.