Operacioni i SPAK, masa sigurie për dy ekspertë të kriminalistikës të Policisë

Në kuadër të aksionit blic të ndërmarrë mëngjesin e sotëm nga SPAK, raportohet se janë lëshuar disa masa sigurie ndaj efektivëve të Policisë së Shtetit.

Përveç shefes së SHISH, Vlora Hyseni, bëhet me dije se janë caktuar edhe dy masa të tjera ndaj ekspertëve kriminalistë të Policisë.

Ndërkohë, me kërkesë të SPAK dhe me vendim të GJKKO-së, është ekzekutuar masa e sigurisë “arrest në shtëpi”, si edhe pezullimi nga ushtrimi i detyrës, për shefen e Shërbimit Informativ të Shtetit, Vlora Hyseni.

Hetimet vijojnë, ndërsa pritet të bëhen të ditura edhe detaje të tjera në lidhje me masat e sigurisë dhe personat e përfshirë.