“Origjina e pronës i takon SPAK”, Rama për Zvërnecin: Do t’i jepet fund çdo spekulimi se projekti s’është i bazuar te ligji!

Kryeministri Edi Rama ka folur në një konferencë për mediat lidhur me ndërtimin në zonën e Zvërnecit, nisur kjo dhe nga protestat e zhviluara.

Rama e quan pozitiv faktin e transaksionit për blerjen e tokës , si dhe thekson se çdokush që pretendon të jetë pronar, do vihet në hetim.

“Ajo çfar137 dua të flas ka të bëjë me një zhvillim shumë pozitiv lidhur me procesin e verifikimit të transaksionit për blerjen e tokës në Zvërnec. Me sqarimin e plotë dhe përfundimtar të origjinës së fondeve të kaluara përmes bankës dhe me çlirimin përfundimtar të investitorëve që tashmë janë pronar.

E konsideroj shumë pozitive që SPAK ka vendosur të mbajë të ngrira fondet pa i lënë të kalojnë tek shitësi për të cilin ka një proces hetimor, kjo në këndvështrimin tim është pozitive edhe për këdo që pretendon pronë në atë territort, tashmë çështja e origjinës së pronës do mbulohet nga një hetim i pavarur dhe profesional përmes SPAK-ut. Në të dyja rastet rezultati do jetë i padiskutueshëm nga pikëpamja ligjore. Nga pretendimet, do i jap fund çdo spekulimi, manipulimi që nuk është i bazuar në ligj. Nësë shitësi ka një origjinë legjitime të pronës, do marrë paratë , nëse nuk e ka paratë do ti mbeten Shqipërisë dhe ato do përdoren për këdo që do provojë se pretendimin mbi pronën e ka të bazuar. Këtu merr fund çdo lloj shqetësimi i atyre që janë pretendentë të sinqertë të pronës dhe ata që shfaqen si pretendentë mund të vazhdojnë por nuk është më problem ynë”, tha Rama.