Oyarzabal refuzon transferimin te Barcelona, por jo diku tjetër. Spanjolli gati të bashkohet me dy ish-shokët e tij

Pas formës së mirë të treguar në Botëror, Mikel Oyarzabal tërhoqi edhe njëherë tjetër vëmendjen dhe interesin e Barcelonës. Megjithatë, sulmuesi i kombëtares spanjolle refuzoi publikisht mundësinë e transferimit te katalanasit, duke i shprehur besnikërinë Real Sociedadit.

Megjithatë, situata mund të ndryshojë ndjeshëm pas përfundimit të Botërorit dhe kur merkato do të fillojë të “nxehet”. Mediet spanjolle bëjnë me dije se Oyarzabal ka përfunduar në radarin e Arsenalit. Trajneri Mikel Arteta e pëlqen shumë 29-vjeçarin dhe e sheh atë si profilin ideal për sistemin e tij.

Sociedad dhe Arsenal kanë një marrëdhënie të shkëlqyer mes tyre në merkato, ky dy lëvizjet e fundit kanë qenë ato të Martin Zubimendi dhe Mikel Merinos nga klubi bask te londinezët. Kështu që nuk do të ishte aspak befasi nëse Oyarzabal vendos të bashkohet me dy ish-shokët e tij të skuadrës. Kosto e transferimit të mundshëm llogaritet 35-40 milionë euro.