Paçë koke tradicionale — supa ngrohtëse shqiptare me hudhër, spec të kuq dhe uthull

Paçja e kokës është një nga gatimet më tradicionale të kuzhinës shqiptare, e përgatitur që nga kohët e lashta në familjet tona, sidomos në ditët e ftohta të dimrit. Është një supë e pasur, ngrohtëse dhe shumë e shijshme, e cila përgatitet me lëngun e zier të kokës së qingjit (ose viçit), të aromatizuar me hudhër të shtypur, spec të kuq djegës dhe uthull. Ja receta e plotë për ta përgatitur në shtëpi:

Përbërësit (për 4–5 persona):
– 1 kokë qingji (mund të përdoret edhe kokë viçi)
– 1 litër lëng i zier i kokës
– 1 filxhan kafeje gjalpë ose vaj
– 1 lugë kafeje miell
– 1/2 lugë kafeje spec djegës
– 2–3 lugë uthull
– 4–5 thelpinj hudhra
– 1 qepë
– 2–3 karota
– 1 rrënjë selino
– Pak majdanoz dhe dafinë
– Kripë dhe piper i zi sipas shijes

Përgatitja:
1. Koka pastrohet mirë, copëtohet dhe vihet në ujë të ftohtë për t’i larguar gjakun. Pastaj vendoset në tenxhere, mbulohet me ujë të ftohtë dhe vihet në zjarr.
2. Kur uji të marrë valë, hiqet shkuma dhe lihet të ziejë në zjarr të ngadaltë, duke shtuar qepën, karotat, selinon, kripën, piperin, dafinën dhe majdanozin.
3. Zihet derisa mishi të ndahet lehtë nga kocka. Kullohet lëngu, mishi qërohet nga kockat dhe pritet në copa të vogla kubike.
4. Në një tenxhere tjetër hidhet gjalpë (ose vaj), kaurdiset lehtë mielli, pastaj shtohet pak salcë dhe lëngu i marrë nga zierja e kokës.
5. Kur lëngu të marrë valë, shtohet mishi i zier, pak spec i kuq, kripë dhe piper i zi, dhe lihet të ziejë në zjarr të avashëm edhe për disa minuta.
6. Në fund, paçes i shtohen hudhra të shtypura me uthull. Shërbehet e nxehtë, me bukë të thekur.

Koha e përgatitjes: rreth 3 orë (përfshirë zierjen e kokës). Porcionet: 4–5 persona.