Panariti me përfaqësues të restoranteve: Reklamoni produktet vendase

Ministri i Bujqësisë Edmond Panariti, gjatë  një takimi sot  në Tiranë me përfaqesues te restoranteve dhe shërbimeve catering, kerkoi t’i kushtohet më shumë vëmendje produkteve shqiptare duke i bërë ato pjesë të menusë.

“U bëj  thirrje bizneseve të reklamojnë produkte për të cilat vendi ynë njihet siç është vera, vaji i ullirit por edhe markat shqiptare të ujit”, tha ministri Panariti .

Përfaqësuesit e restoranteve e mirëpitën një ide të tillë.

Sipas Indrit Nuredini,  perfaqesues i nje restoranti, “me produktet shqiptare abuzohet me cilësinë çka i detyron që të përzgjedhin marka të huaja”.

Kohët e fundit ministria ka nisur një proçes për pajisjen me vulë cilësie të disa produkteve tradicionale shqiptare duke i dhënë kështu më shumë siguri konsumatorëve.