Parlamenti miraton qeverinë e pakicës të qendrës së djathtë

 Parlamenti bullgar miratoi një qeveri të pakicës të qendrës së djathtë proevropiane dhe reformatore drejtuar nga ish-kryeministri, Boiko Borisov (2009-2013), partia konservatore e të cilit GERB fitoi zgjedhjet legjislative të parakohshme më 5 tetor.

Nga 234 deputetë të pranishëm, 136 votuan pro qeverisë së Boiko BorisovIT, i cili e cilësoi kabinetin e tij proevropian dhe reformator të gatshëm për një Bullgari të qëndrueshme.

“Ka ardhur koha për të garantuar pavarësinë e vendit përsa i përket energjitikës”, theksoi ai para Parlamentit, ndërkohë që Bullgaria është shumë e varur nga gazi që vjen nga Rusia.

I formuar me vështirësi, ekipi është i përbërë nga 21 anëtarë, 13 prej të cilëve nga GERB, shtatë nga blloku reformator (RB, i djathtë) dhe një nga ABV (i majtë). Ai disponon një maxhorancë parlamentare në sajë të mbështetjes së nacionalistëve nga Fronti Patriotik