☁️
Tiranë 18°C · Vranët 17 Nëntor 2026
S&P 500 7,417 ▼1.92%
DOW 51,608 ▼1.41%
NASDAQ 24,510 ▼2.49%
NAFTA 86.34 ▲0.72%
ARI 3,859 ▲0.16%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $65,104 ▲ +1.48% ETH $1,823 ▲ +1.34% XRP $0.9708 ▲ +2.31% SOL $73.6300 ▲ +4.19%
S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.34 ▲0.72 % ARI 3,859 ▲0.16 % S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.34 ▲0.72 % ARI 3,859 ▲0.16 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Arte

Partitura të rralla të trashëgimisë sonë muzikore në koncertin “Palimpsest” të Ardita Bufajt

Në kuadër të festivalit “Netët e Muzikës Shqiptare”, publikut artdashës do i prezantohet koncerti i ideuar nga pianistja Ardita Bufaj, “Palimpsest”.

Koncerti, i cili vjen më 25 nëntor, i kushtohet rizbulimit dhe interpretimit të një repertori të hershëm të trashëgimisë sonë muzikore. Pas një pune disavjeçare kërkimore dhe hulumtuese, Bufaj ka identifikuar dhe mbledhur partitura të rralla, një pjesë e të cilave janë edhe më shumë se 80-vjeçare.

Për herë të parë, publikut do t’i prezantohen në interpretim koncertor partitura të këngëve qytetare shkodrane, të harmonizuara nga prof. Antonio Muçi, ( repertor për soprano – piano) katër valle pianistike me motive nga Shqipëria e Veriut, të kompozitorit Muharrem Xhediku, si dhe këngë nga Koço Uçi, krahas përpunimeve muzikore të Çesk Zadesë dhe Ramadan Sokolit.

Ky repertor dëshmon për një etapë të rëndësishme të kalimit të këngës dhe vallëzimit tradicional shqiptar drejt formave të kultivuara të krijimtarisë muzikore.

Pianistja Bufaj do të shoqërohet nga sopranoja shqiptare nga Mali i Zi, Maida Resulbegović, dhe baritoni Armando Likaj. E ftuar e veçantë do të jetë pianistja e re Norena Gaxhaj, nxënëse e Liceut Artistik “Jordan Misja”, e cila përfaqëson brezin e ri të interpretuesve dhe simbolizon vazhdimësinë e trashëgimisë muzikore shqiptare.

Koncerti “Palimpsest” realizohet me mbështetjen e Këshillit të Qarkut Tiranë dhe TKOB-së, në kuadër të festivalit “Netët e Muzikës Shqiptare”.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.