Pas Elliot Anderson, Man. City projekton goditjen e madhe të radhës: 150 milionë euro për yllin brazilian

Pas largimit të Pep Guardiolës në fund të sezonit të shkuar, Manchester City është gati të nisë një epokë të re me në krye Enzo Maresca-n. Kjo verë pritet të jetë shumë aktive për “Qytetarët”, pasi me siguri do të ketë afrime, por edhe largime të shumta.

Deri tani është zyrtarizuar transferimi i Elliot Anderson për 135 milionë euro. Objektivi i radhës i “Qytetarëve” është transferimi i Vinicius Junior. Braziliani po zvarrit rinovimin e mundshëm të kontratës me Real Madridin, duke shtuar gjithmonë e më shumë zërat për një largim të mundshëm këtë verë.

Jemi ende në fazat e para të bisedimeve, por oferta e Man. City për anësorin brazilian pritet të jetë rreth 150 milionë euro. Te Real Madrid, kanë lënë të kuptohet se janë të hapur për largimin e Vinicius Junior, nëse ky i fundit nuk rinovon sipas kushteve të tyre. Ndaj, mund të thuhet me siguri të plotë që Vinicius Junior do të të jetë “telenovela” kryesore e merkatos së verës dhe seritë e para sapo kanë filluar.