PD, Alibeaj: Tahiri qëndron pas parcelave me hashash

Partia Demokratike, përmes shefit të departamentit të saj të sigurisë, Enkelejd Alibeaj, ka përsëritur se ministri i Brendshëm Saimir Tahiri është personi që qëndron pas trafikut të drogës në vend.

“Saimir Tahiri qëndron pas dy drejtorëve të policisë të kapur si të implikuar në trafikun e drogës dhe pas parcelave me hashash që kanë mbushur vendin. Këto ditë është zhvendosur me zyrë pranë laboratorit kriminalistik dhe pikërisht tani ra zjarri atje”, tha Alibeaj.

“Prokuroria duhet të bëjë hetim të shpejtë dhe serioz, ndërsa Tahiri duhet të largohet nga detyra për të çliruar vendin nga droga dhe trafikantët”, shtoi Alibeaj.