PDK: Qeveria të mos e zvarrisë ligjin e ndryshuar për Dhomat e Specializuara

Partia Demokratike e Kosovës kërkoi sot që Kuvendi të nisë pa vonesa procedurën për ndryshimin e Ligjit për Dhomat e Specializuara në Hagë, në një konferencë për media të mbajtur në selinë e partisë, siç raporton KosovaPress.

Shefi i Grupit Parlamentar të PDK-së, Arian Tahiri, tha se qeveria e Kosovës nuk guxon të zvarrisë më tej kthimin e ligjit në Kuvend për ta miratuar. “Qeveria nuk guxon të zvarrisë këtë proces. Është koha për veprime konkrete për ish-krerët e UÇK-së”, tha ai.

Deputeti i PDK-së, Përparim Gruda, tha se miratimi i ndryshimeve në ligjin për Gjykatën Speciale nuk prish asnjë detyrim ndërkombëtar që Kosova ka marrë kur ka themeluar Specialen. Sipas tij, drafti i heq Hagës kontrollin kushtetues, ndërsa verdiktin për interpretim do ta ketë Gjykata Kushtetuese në Kosovë. “Asnjë zyre në qeveri s’ka arsye ta mbajë peng këtë ligj”, tha Gruda.

PDK-ja e ka proceduar tashmë draftin në Kuvend, ndërsa kërkesat e sotme vijnë në kohën kur aktgjykimi i Hagës ndaj katërshes së UÇK-së ka shkaktuar reagime të forta politike.