Peshkimi synon rritjen e eksporteve në tregjet e BE-së

Sektori i peshkimit në vendin tonë gjatë këtij viti ka shënuar rritje të sasisë së peshkut të zënë dhe synon rritjen e eksporteve në tregjet e BE-së, favorizuar kjo nga heqjen e taksës së karburantit, i cili prek në mënyrë të drejtpërdrejtë zhvillimin e këtij sektori dhe rritja e investimeve në flotën e  peshkimit.

Ministria e Bujqësisë parashikon që këtë viti të hap negociatat me Bashkimin Evropian, dhe negocimi i kuotave që sot është 1600 ton do të bëhet vetëm mbi bazën e kapacitetit të instaluar të aftësive peshkuese, pra të flotës.

Prandaj, në këto kushte ministria e Bujqësisë apelon për krijimin e një flote me standarte bashkohore në mënyrë që diskutimi me partnerët evropianë për të negociuar shtimin e kuotave te jete dhe jreal dhe me tregues në rritje, bën të ditur ministria e Bujqësisë.

Sipas të dhënave zyrtare , vitin e kaluar ky sektor shënoi rreth 5.813 ton peshk të zënë, ose 7,6% më shumë se në 11 muajt e parë të vitit 2013, ku u kapën vetëm 5.369 ton peshk.

Ndërkohë që në vlera monetare prodhimi në total kap shifrën e 40 milionë dollarë amerikanë, nga ku 22 milionë janë siguruar nga zënia e peshkut në bregdet dhe laguna, 8 milionë në akuakulturë dhe pjesa tjetër nga kultivimi i midhjeve.