Pickford: E dimë sa shumë do të thotë kjo për tifozët e Anglisë, këtë herë duam të shkojmë në finale

Portieri i Anglisë, Jordan Pickford, ka folur për mediat për ndeshjen e dytë gjysmëfinale të Kupës së Botës, atë që “3 luanët” do të luajnë sot ndaj Argjentinës kampione në fuqi: “Të kemi kombin pas nesh në shtëpi nuk kalon pa u vënë re. E dimë sa shumë do të thotë për ta dhe ata e dinë sa shumë do të thotë për ne”.

“Po e bëjmë edhe për ta. E kemi bashkuar këtë komb, ky ishte qëllimi i parë duke parë prapa në vitin 2018. Duam t’u sjellim buzëqeshje edhe atyre. Do të luajmë kundër Argjentinës, hera e parë për mua ndaj tyre. Dhe çfarë ndeshjeje do të jetë dhe do të jetë për ne që t’i mposhtim ata”, tha portieri anglez.

Më tej, Pickford shtoi: “Kam parë pjesë të Argjentinës në këtë turne. Të gjithë e dimë sa i mirë është Messi, por gjithashtu e dimë sa ekip punëtor janë ata. Ka të bëjë me ne, Anglinë, që jemi të përgatitur për Argjentinën dhe kjo është ajo që do të bëjmë. Jemi gati për çdo gjë. Në fund të fundit jemi ne kundër tyre. Bëhet fjalë për atë se kush del fitues dhe ne jemi plotësisht të përgatitur për këtë”.

“Ne ishim të pafat kundër Francës në Kupën e Botës 2018. Edhe herën e fundit që luajtëm në një gjysmëfinale të Kupës së Botës, në Katar, ne ishim skuadra më e mirë dhe nuk dolëm fitues. Duhet t’i shfrytëzojmë ato momente, përfshirë dy finalet e Europianin, dhe të mësojmë prej tyre”, tha Pickford.

“Ky është momenti ynë për të luajtur kundër Argjentinës dhe shpresojmë të dalim fitues. Po arrijmë objektivat që duam të arrijmë. Po arrijmë nivelet që duam të arrijmë. Duam të vazhdojmë të shtyjmë përpara. E dimë qëllimin përfundimtar, por gjithmonë e marrim hap pas hapi”, tha portieri anglez.

“E dimë që çdo ndeshje është një sfidë dhe sfida jonë e radhës është Argjentina. Do të jemi gati dhe të vendosur për ta. Është një tjetër ndeshje futbolli kundër një kombi të madh dhe për këtë jemi këtu. Çdo ndeshje është e vështirë në Kupën e Botës dhe Argjentina është detyra jonë e radhës“, tha Pickford.