Pique i kursen Barçës 50 milionë euro

Më 10 gusht, AS shpjegoi se gjatë një darke me Joan Laporta, Gerard Pique u ofrua të luante falas nëse do të ishte e nevojshme. Tani kjo gjë është bërë realitet, pasi qendërmbrojtësi njoftoi vendimin për t’u tërhequr nga futbolli. E duke u bazuar në këtë fakt, Barcelona do të kursejë të paktën 50 milionë euro me largimin e Piqué, i cili do t’i falë klubit edhe një vit e gjysmë të mbetur nga kontrata e tij. Kjo dorëheqje ndikon edhe në bonusin e fundit të karrierës që Bartomeu nënshkroi për të në kohën e tij, ashtu siç bëri me Messin, i cili ende duhet ta tërheqë atë.

Tani mbetet për t’u rënë dakord se si do të paguhen paratë që ndryshonin në rinovimin e tij të fundit pasi Pique tashmë uli pagën e tij në fillim të sezonit të kaluar në mënyrë që klubi të mund të regjistronte Eric Garcia dhe Memphis Depay në fundin e merkatos. Pique e filloi sezonin i bindur se mund të ishte i dobishëm për ekipin dhe të ndryshonte situatën e tij në Barcelonë.

Para se të shkonte me pushime, Xavi e kishte paralajmëruar tashmë se roli i tij në ekip do të ndryshonte. Konsolidimi i Araújo dhe nënshkrimet e Koundé dhe Christensen, të shtuara me ardhjen e Eric Garcia një vit më parë, e vendosën atë në një pozicion të vështirë.

Mbi të gjitha vërshëllimat në Camp Nou kur Xavi e aktivizoi në fushë si zëvendësues, apo edhe dështimi i tij në ndeshjen vendimtare ndaj Interit, ishin të gjithë përbërësit e koktejit që u shërbye pasditen e së enjtes, kur Pique lajmëroi largimin e tij nga futbolli.