Policia arreston 590 anëtarë të dyshuar të Shtetit Islamik dhe PKK-së

Policia turke arrestoi dje në të gjithë Turqinë 590 persona të akuzuar për lidhje me grupin xhihadist të Shtetit Islamik apo rebelët e Partisë së Punëtorëve të Kurdistanit (PKK), njoftoi sot kyeministri, Ahmet Davutoglu.

“Aktualisht, 590 persona të lidhur me organizatat terroriste janë ndaluar nga policia sepse ata përbëjnë një rrezik potencial”, deklaroi Davutoglu në një konferencë shtypi në Ankara.