⛅
Tiranë 18°C · Pjesërisht vranët 20 Nëntor 2026
S&P 500 7,176 ▼2.02%
DOW 49,097 ▼2.19%
NASDAQ 23,879 ▼2.25%
NAFTA 82.23 ▼0.25%
ARI 3,571 ▼3.12%
💱 VALUTAT
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
₿ CRYPTO
BTC $61,678 ▼ -3.55% ETH $1,743 ▼ -3.53% XRP $0.9484 ▼ -3.92% SOL $71.3300 ▼ -4.74%
S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 82.23 ▼0.25 % ARI 3,571 ▼3.12 % S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 82.23 ▼0.25 % ARI 3,571 ▼3.12 %
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
20 Nën 2026
Breaking
Kronika

Policia e Shtetit dhe policia britanike thellojnë bashkëpunimin kundër krimit të organizuar

Policia e Shtetit dhe policia britanike do ta thellojnë bashkëpunimin në luftën kundër krimit të organizuar. Drejtori i Përgjithshëm i Policisë së Shtetit, Drejtues Madhor Skender Hita, priti në ambientet e Drejtorisë së Përgjithshme koordinatorin e policive britanike për Ballkanin Perëndimor, Nick Bellingham, i cili drejton portofolin e 43 policive britanike për rajonin, dhe delegacionin që e shoqëronte, siç njofton Policia e Shtetit.

Në takim morën pjesë edhe drejtorët e departamenteve të Policisë Kriminale dhe të Marrëdhënieve Ndërkombëtare, si dhe drejtori i Institutit të Policisë Shkencore. Sipas njoftimit, takimi synoi konsolidimin e mëtejshëm të bashkëpunimit dypalësh, me efekte në disa aspekte të rëndësishme të punës policore.

Hita falënderoi Bellingham dhe delegacionin për gatishmërinë e agjencive ligjzbatuese britanike për të bashkërenduar punën me strukturat shqiptare. Si tregues konkret të këtij bashkëpunimi ai përmendi Task-Forcën e përbashkët kundër migracionit të paligjshëm, e kthyer në një model ndërinstitucional me ulje drastike të rasteve dhe goditje ndaj krimit të organizuar, si dhe ekspertizën dhe asistencën e ndërsjellë me Policinë Shkencore, që kanë forcuar kapacitetet hetimore dhe provueshmërinë ligjore.

Nga ana e tij, Bellingham e vlerësoi bashkëpunimin me Policinë e Shtetit si një model të suksesshëm bashkëpunimi ndërkombëtar, vlerësoi profesionalizmin e saj dhe shprehu gatishmërinë për ta çuar më tej këtë partneritet.

Dy palët ranë dakord të intensifikojnë bashkëpunimin, me fokus shtimin e ekipeve të përbashkëta hetimore për goditjen e krimit të organizuar dhe krimeve të rënda, specializimin e mëtejshëm të strukturave shqiptare në krimin kibernetik dhe pastrimin e parave përmes trajnimeve dhe ekspertizës britanike, si dhe asistencën teknike e profesionale për përfundimin e procesit të akreditimit të Institutit të Policisë Shkencore. Në takim u vlerësua edhe roli i oficerëve të kontaktit në koordinimin operacional ndërmjet dy policive.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.