Polonia kundër çdo mase diskriminuese ndaj imigrantëve evropianë

Polonia do të kundërshtojë çdo përpjekje të Londrës për të privuar nga ndihma sociale imigrantët evropianë të vendosur së fundi në Britaninë e Madhe, deklaroi zëvendësministri polak i Punëve të Jashtme për BBC duke e cilësuar këtë masë si diskriminuese.

Nëse një vend kërkon t’i trajtojë imigrantët e Bashkimit Evropian ndryshe dhe t’u paguajë atyre ndihmat sociale vetë pas katër viteve qëndrim në Britaninë e Madhe apo të ekstradojë personat që nuk arrijnë të gjejnë punë pas gjashtë muajve, kjo do të ishte kundër të gjitha ligjeve ekzistuese të Bashkimit Evropian dhe do të përbënte gjithashtu një linjë të kuqe për ne”, deklaroi, Rafal Trzaskowski në emisionin ”BBC Newsnight”.

Këto dy masa bëjnë pjesë në propozimet e kryeministrit britanik, David Cameron për të frenuar fluksin e imigrantëve në vendin e tij, denoncuar nga lëvizjet eurofobe, popullariteti i të cilëve u rrit pas zgjedhjeve.