Poroshenko: Armëpushimi në Ukrainë është real

Presidenti i Ukrainës, Petro Poroshenko, tha se armëpushimi “real” tash po mbretëron në pjesën lindore të Ukrainës.

Gjatë komenteve të tij të sotme në Australi, ku gjendet për vizitë, Poroshenko tha se për të parën herë në 7 muaj, ushtria e Ukrainës nuk ka pësuar asnjë viktimë.

Armëpushimi i ri ndërmjet ushtrisë së Ukrainës dhe i separatistëve pro-rusë. në pjesën lindore të Ukrainës, ka hyrë në fuqi më 9 dhjetor.

Por, mbrëmë, një zëdhënës i ushtrisë së Ukrainës tha se tre ushtarë ishin vrarë dhe tetë të tjerë ishin plagosur gjatë 24 orëve të kaluara.

Por, presidenti Poroshenko, tha se periudha e fundit 24 orëshe ka kaluar pa incident dhe nëse armëpushimi mbahet, atëherë ky do të ishte “hap i madh për paqen dhe stabilitetin në Ukrainë”, raporton Evropa e Lirë.

Prej muajit prill, kur kanë filluar luftimet në pjesën lindore të Ukrainës, janë vrarë afro 4,300 vetë, kanë vlerësuar Kombet e Bashkuara