Prajd i katërmbëdhjetë i Malit të Zi mbahet sot në Podgoricë
Marshi i krenarisë i organizuar nga Kvir Montenegro nis në orën 15:00; policia njofton bllokime trafiku në qendër të Podgoricës.
Prajd i katërmbëdhjetë i Malit të Zi, i organizuar nga asociacioni Kvir Montenegro, mbahet sot në qendër të Podgoricës, raporton televizioni publik malazez RTCG.
Sivjet marshi mbahet nën sloganin “Živjećemo, života radi!” (“Do të jetojmë, për hir të jetës!”), me të cilin organizatorët duan të theksojnë mesazhin e mbijetesës, dinjitetit dhe të drejtës për një jetë të lirë.
Tubimi nis në orën 15:00, ndërsa grumbullimi i pjesëmarrësve do të bëhet në Bulevardin Stanka Dragojeviqit, pranë godinës së Qeverisë malazeze.
Policia ka njoftuar se tubimi do të filmohet nga ora 14:00 deri në 20:00. Për shkak të marshit, për trafikun do të bllokohen bulevardet Ivana Crnojeviqit dhe Stanka Dragojeviqit, rruga e Lirisë (Slobode) dhe Bokeška, si dhe rrugët Vuçedolska, Karagjorgjeva, Njegosheva, 19. dhjetori, Beogradska dhe një pjesë e rrugës Vaka Gjuroviqit. Sipas policisë, rrugët do të hapen herë pas here në varësi të vlerësimit të drejtuesit të sigurisë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.