Prokurorët rumunë padisin Andrew Tate për trafikim të të miturve dhe pastrim parash

Prokurorët rumunë paditën zyrtarisht të premten influencuesin e mediave sociale Andrew Tate për trafikim të të miturve, pastrim parash, marrëdhënie seksuale me të mitur dhe manipulim dëshmitarësh, si dhe vëllain e tij Tristan për bashkëpunim, vite pasi filluan hetimin e tyre për herë të parë.

Vëllezërit Tate, ish-kikbokserë me shtetësi të dyfishtë amerikane dhe britanike, u arrestuan në Miami në fund të korrikut, pasi Britania kërkoi ekstradimin e tyre.

Tate përballet me 10 akuza penale në Britani, duke përfshirë përdhunim, dëmtim trupor, trafikim qeniesh njerëzore dhe kontrollim të prostitucionit për qëllime fitimi, tha të mërkurën Shërbimi i Prokurorisë së Kurorës në Mbretërinë e Bashkuar.