Properëndimorët dominojnë zgjedhjet legjislative

Rezultatet zyrtare të zgjedhjeve të parakohshme në Ukrainë pritet të konfirmojnë sot fitoren e kampit properëndimor dhe nacionalist në një shkallë të paprecedentë që prej pavarësisë dhe që forcon një proces paqeje të brishtë mes separatistëve prorusë në lindje dhe Kievit, sipas presidentit Petro Poroshenkos

Sondazhet e realizuara në fillim të hapjes së qendrave të votimit, shifrat e të cilave u bënë publike kur ato u mbyllën, japnin rreth 70 për qind të votave për lëvizjen properëndimore. Por këto parti duhet të ndajnë pushtetin, pasi asnjëra prej tyre nuk ka shumicën e nevojshme.

Sipas rezultateve të pjesshme, Blloku Petro Poroshenko i shefit të shtetit është në krye me 21,9 për qind të votave, i ndjekur nga Fronti Popullor i kriyeministrit Arseni Jaceniuk (21,6 për qind).

Votimet, që patën një pjesëmarrje të limituar në 53 për qind, pritet të mbajnë në parlament ish-aleatët e ish-presidentit Viktor Janukoviç, vetëm Partia Komuniste rrezikon të zhduket nga asambleja.