Protesta e 110-të në Tiranë, protestuesit marshojnë drejt Kryeministrisë

Protestuesit janë mbledhur këtë të enjte në Sheshin “Skënderbej” në Tiranë dhe kanë nisur marshimin në drejtim të Kryeministrisë, në kuadër të protestës së radhës kundër qeverisë.

Bëhet fjalë për protestën e 110-të të zhvilluar, ndërsa tubuesit kundërshtojnë qeverinë dhe politikat e saj. Organizatorët kanë paralajmëruar se protestat do të vijojnë edhe në ditët në vijim, duke mos përjashtuar përshkallëzimin e tyre.

Marshimi po zhvillohet në rrugët e kryeqytetit, ndërsa protestuesit pritet të grumbullohen pranë Kryeministrisë, ku do të vijojë tubimi.