Protesta e opozitës, reagon OSBE: Jemi të shqetësuar për dhunën!

Drejtuesit e OSBE theksuan se e drejta për të protestuar në mënyrë paqësore është një parakusht themelor i një shteti demokratik. Por institucionet e forta vendase – përfshirë, në mënyrë kritike, një parlament efektiv – janë gurët e themeli të demokracisë dhe thelbësore për stabilitetin politik dhe sundimin e ligjit. Dhuna dhe frikësimi i zyrtarëve të organizatave ndërkombëtare janë të papranueshëm.

“Trazirat nuk janë zëvendësuese për angazhimin politik demokratik. Ata presin çdo shans për dialog – dhe për këtë arsye çdo shans për të gjetur një bazë të përbashkët. Ne i bëjmë thirrje të gjithë liderëve politikë dhe qytetarëve të Shqipërisë që të tregojnë përgjegjësi, të demonstrojnë në mënyrë paqësore dhe të veprojnë me përmbajtje. OSBE do të vazhdojë të mbështesë procesin demokratik në Shqipëri”, thuhet në njoftim.

Reagimi i plotë
Kryetari i Radhës i OSBE-së dhe ministri i Jashtëm dhe për Çështjet Evropiane i Sllovakisë, Miroslav Lajčák, Sekretari i Përgjithshëm i OSBE-së, Thomas Greminger, Presidenti i Asamblesë Parlamentare të OSBE-së, George Tsereteli dhe Sekretari i Përgjithshëm i Asamblesë Parlamentare të OSBE-së, Roberto Montella, e dënuan sot me forcë përdorimin e dhunës nga protestuesit e kësaj fundjave në kryeqytetin e Shqipërisë, Tiranë, si dhe kërcënimet dhe përpjekjet për frikësim drejtuar Kryetarit të Prezencës së OSBE-së në Shqipëri si dhe Organizatës në përgjithësi. Po ashtu, ata u bënë thirrje zyrtarëve të zbatimit të ligjit të tregojnë vetëpërmbajtje

Kryetari i Radhës, Presidenti i Asamblesë Parlamentare të OSBE-së dhe Sekretari i Përgjithshëm i OSBE-së theksuan se e drejta për t’u tubuar dhe për të protestuar në mënyrë paqësore është një parakusht themelor i një shteti demokratik. Por institucionet e forta vendase – përfshirë, sidomos, një parlament të efektshëm – janë gurë themeli të demokracisë dhe thelbësore për qëndrueshmërinë politike dhe shtetin e së drejtës. Dhuna dhe frikësimi i zyrtarëve të organizatave ndërkombëtare janë të papranueshme.

Ata falënderuan autoritetet shqiptare, që e morën menjëherë në mbrojtje banesën e Kryetarit të Prezencës së OSBE-së dhe i nxitën të gjitha palët të tregohen të përmbajtura gjatë protestave të sotme. “Trazirat nuk mund të zëvendësojnë angazhimin politik demokratik. Ato ndërpresin çdo mundësi për dialog – pra, çdo mundësi për të gjetur gjuhën e përbashkët. Ne u bëjmë thirrje të gjithë drejtuesve politikë, si edhe qytetarëve të Shqipërisë të tregojnë përgjegjshmëri, të protestojnë paqësisht dhe të veprojnë me vetëpërmbajtje. OSBE-ja do të vijojë të mbështesë procesin demokratik në Shqipëri”.

“Zgjatja e krizës do të pengonte, pashmangshmërisht, përparësitë strategjike të brendshme dhe të jashtme të Shqipërisë. Ka ardhur koha të krijohet një platformë vendase për dialog, e cila të përfshijë të gjithë aktorët relevantë, përfshirë të gjitha partitë, shoqërinë civile dhe botën akademike, për të kapërcyer dallimet dhe për të punuar së bashku në shërbim të interesit më të lartë të Shqipërisë”.