Protesta e qytetarëve/ Balla: Nuk ishte protestë lokale, dje ishte e gjithë PD-ja aty

Kreu i grupit parlamentar socialist, Taulant Balla, ka komentuar protestën e zhvilluar kundër planit të investimit në Zvërnec, duke pretenduar se tubimi i djeshëm kishte karakter politik.

Në një deklaratë për mediat jashtë Kuvendit, Balla tha se protesta ishte dominuar nga përfaqësues të opozitës dhe të Partisë Demokratike.

“Nuk ishte protestë lokale. Dje ishte e gjithë PD-ja në protestë. Nga kampioni i protestave të PD-së, Sali Lusha, deri te gjysma e grupit parlamentar të PD-së. Nisi si protestë lokale për flamingot, por bufat kanë filluar të ndjejnë veten si flamingo”, u shpreh Balla.

Më tej, ai theksoi se Partia Socialiste gëzon mbështetje të gjerë qytetare, duke iu referuar rezultatit të zgjedhjeve të 11 majit.

“Partia Socialiste është partia më e madhe në Shqipëri. Ka marrë 856 mijë vota më 11 maj, një rekord historik që asnjë parti politike nuk e ka arritur më parë. Ky është një kontratë e firmosur me qytetarët”, deklaroi Balla.