Protestuesit i kërkojnë ‘Dardanëve’ t’i bashkëngjiten protestës për ish-krerët e UÇK-së
Platforma “Liria Ka Emër” po kërkon nga lojtarët e Kombëtares së Kosovës që të bashkohen në protestën e sotme në Prishtinë kundër vendimit të Gjykatës Speciale në Hagë.
Protestuesit e platformës “Liria Ka Emër” po kërkojnë nga lojtarët e Kombëtares së Kosovës, të njohur si “Dardanët”, që t’i bashkëngjiten protestave kundër vendimit të Gjykatës Speciale në Hagë.
Kreshnik Sopi, nga këshilli i protestave, ka konfirmuar për Klan Kosovën se disa anëtarë të platformës do të shkojnë në hotelin ku po qëndrojnë “Dardanët” për t’ua bërë personalisht këtë kërkesë dhe për t’i ftuar ata të bashkohen në protestën e sotme në Prishtinë.
Sipas Sopit, këtë kërkesë e kanë bërë edhe përmes emailit, por nuk kanë marrë përgjigje. Ai tha se do të kërkojnë që së paku kapiteni i Kosovës të marrë pjesë në protestë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.